jaata hai jo gharon ko vo rasta badal diya
andhi ne mere shahr ka naqsha badal diya
pahchan jin se thi vo havale mita diye
us ne kitab-e-zat ka safha badal diya
kitna ajiib hai vo musavvir ki ghaur se
dekhe jo khadd-o-khal to chehra badal diya
vo khel tha mazaq tha ya khauf tha koi
ik chaal chal ke us ne jo mohra badal diya
karta raha asiri ke ehsas ko shadid
zanjir khol di kabhi pahra badal diya
Leave a Reply