Shaheen Abbas
jaari thi abhi dua hamari
aur TuuT ga.i sada hamari
yaan raakh se baat chal rahi hai
tu sho.alagi par na ja hamari
jhonka tha gurez ke nashe men
divar gira gaya hamari
duniya men simaT ke rah ga.e hain
bas ho chuki intiha hamari
main aur ulajh gaya huun tujh men
zanjir khuli hai kya hamari
aa dekh jo ham dikha rahe hain
aa baanT kabhi saza hamari
paani pe mazaq ban ga.e ham
kashti men ne thi ja hamari
go ek ghubar men hain donon
vahshat hai juda juda hamari
Leave a Reply