Munawwar Lakhnavi
jaam lete hain na piine ko subu lete hain
ham magar sarhad-e-idrak ko chhu lete hain
mai mayassar jo nahin pyaas bujhane ke liye
ham to chalo main ab apna hi lahu lete hain
meri begana-ravi mujh ko bacha leti hai
intiqam apni taraf se to adu lete hain
toḌ dete hain use kis liye phir ahl-e-junun
maang kar ḳhud hi to zanjir-e-gulu lete hain
sirf ankhon ki tasalli ke liye hai ye sair
rang lete hain na ham phuul se bu lete hain
TuuT jaa.e na kisi zaḳhm ka Tanka ai dost
kaam ham zabt se hangam-e-rafu lete hain
kiya ‘munavar’ abhi balidgi-e-shauq ka zikr
kis qadar vaqt shajar bahr-e-numu lete hain
Leave a Reply