apni girah se kuchh na mujhe aap dijiye
akhbar men to naam mira chhap dijiye
dekho jise vo pionēr office men hai data
bahr-e-khuda mujhe bhi kahin chhap dijiye
chashm-e-jahan se halat-e-asli chhupi nahin
akhbar men jo chahiye vo chhap dijiye
daava bahut bada hai riyazi men aap ko
tul-e-shab-e-firaq ko to naap dijiye
sunte nahin hain shaikh nai raushni ki baat
engine ki un ke kaan men ab bhaap dijiye
is but ke dar pe ghair se ‘akbar’ ne kah diya
zar hi main dene laaya huun jaan aap dijiye
Leave a Reply