ho gai baat purani phir bhi
yaad hai mujh ko zabani phir bhi
mauja-e-gham ne to dam tod diya
rah gaya aankh men paani phir bhi
main ne socha bhi nahin tha is ko
ho gai shaam suhani phir bhi
chashm-e-nam ne use jaate dekha
dil ne ye baat na maani phir bhi
log arzan hue jaate hain yahan
badhti jaati hai girani phir bhi
burida laae ho darbar men tum
yaad hai shoala-bayani phir bhi
bhuul jote hain musafir rasta
log kahte hain kahani phir bhi
Leave a Reply