bharosa har kisi ka kho chuke hain
sar-e-bazar rusva ho chuke ho chuke hain
ghulami kar rahe hain ḳhvahishon ki
dilon ki hukmarani kho chuke hain
tavaqqo hai mohabbat ke samar ki
agarche fasl-e-nafrat bo chuke hain
na rakh in se madad ki aas koi
zamir in sab ke murda ho chuke hain
bhala bahar se kaise saaf honge
ye jab andar se maile ho chuke hain
sadaqat bha.i-chara pyaar uḳhuvvat
ye sab maazi ke qisse ho chuke hain
jahan par kufr haavi ho raha hai
ye lagta hai musalman so chuke hain
najat ab to mile ranj-o-alam se
dukhon ka bojh kaafi Dho chuke hain
jo maut aa.e to rahat ho mayassar
pareshan zindagi se ho chuke hain
magar vo sang-dil ab tak na pighla
ka.i baar us ke aage ro chuke hain
natije men ham apni ghaflaton ke
vaqar ai ‘shad’ apna kho chuke hain
Leave a Reply