Sauda Mohammad Rafi
dhuum se sunte hain ab ki saal aati hai bahar
dekhiye kya kuchh hamare sar pe laati hai bahar
shayad azm-e-yar ki gulshan men pahunchi hai khabar
gil ke pairahan men phuli naiin samati hai bahar
dekhne de baghban ab gulsitan apna mujhe
halqa-e-zanjir men mehman bulati hai bahar
shor ye ghunchon ke va-shud ka nahin ai andalib
ab chaman men tumtaraq apna dikhati hai bahar
kyuun phansa gulshan men yuun ja kar abas sauda tu ab
men na kahta tha tujhe vo dekh aati hai bahar
Leave a Reply