Shayan-e-Zindagi Na The Hum Moatabar Na The

shayan-e-zindagi na the ham mo’atabar na the

haan kam-nazar the itne magar kam-nazar na the

ab ke baras jo phuul khila kaghzi hi tha

ab ke to duur duur kahin barg-e-tar na the

har phuul ek zaḳhm tha har shaḳh ek laash

goya ki raah men thiin saliben shajar na the

badal uThe to ret ke zarre baras paḌe

ham ko bhigo gae hain vo daman jo tar na the

kahte the ek ju-e-ravan hai chaman chaman

dekha to bastiyon ke kinare bhi tar na the

Takra ke sar ko apna lahu aap chaTte

achchha hua ki dasht men divar-o-dar na the

dariya ka siina chiir ke ubhre jo sat.h par

daman men sang-reze the ‘aḳhtar’ guhar na the