Sae

Muneer Niyazi

kisi saae ka naqsh gahra nahin hai

har ik saaya ik aankh hai

jis men ishrat-kadon na-rasa khvahishon

an-kahi dil-nashin dastanon ka mela laga hai

magar aankh ka sehr palkon ki chilman ki halki si jumbish hai

aur kuchh nahin hai

kisi aankh ka sehr daaim nahin hai

har ik saaya

chalti hava ka pur-asrar jhonka hai

jo duur ki baat se

dil ko bechain kar ke chala jaega

har koi janta hai

havaon ki baten kabhi der tak rahne vaali nahin hain

kisi aankh ka sehr daaim nahin hai

kisi saae ka naqsh gahra nahin hai