Tujh Badan Par Jo Lal Sari Hai

tujh badan par jo laal saari hai

aql us ne miri bisari hai

baal dekhe hain jab suun main tere

zulf si dil kuun be-qarari hai

qad alif sa hua mira jiyun daal

ishq ka bojh sakht bhari hai

sab ke siine ko chhed Daala hai

palk teri magar katari hai

odhni uudi par kanari zard

gird shab ke suraj ki dhari hai

qahr o lutf o tabassum-o-khanda

teri har ik ada piyari hai

tirchhi nazran suun dekhna hans hans

mor se chaal tujh niyari hai

zinda ‘faez’ ka dil hua tujh suun

husn tera bi faiz-e-bai hai

Leave a Comment