jalva-ba-jalva samne aata hai koi aur
lahza-ba-lahza mujh ko lubhata hai koi aur
parde men phuul jalva dikhata hai koi aur
rang apna rang-o-bu men jamata hai koi aur
kaisa ghurur-e-husn kahan ka niyaz-e-ishq
duniya ko un ke khel dikhata hai koi aur
main janta huun shaiḳh-o-barahman ki dauḌ-dhup
rasta bata ke un ko phirata hai koi aur
be-ḳhud hai dil ḳhayal men ek mast-e-naz ke
piita hai koi aur pilata hai koi aur
tuuti ki tarah a.ina-e-ka.enat men
kahta huun vo jo pichhe sikhata hai koi aur
‘za.iq’ sitam-zarifi-e-daur-e-zaman ko dekh
daulat kisi ki aish uḌata hai koi aur
Leave a Reply