ham bhi the gosha-gir ki gumnam the bahut
is tarz-e-zist men magar aram the bahut
duniya hai kar-ḳhana-e-vahm-o-guman tamam
sachche vahi fasane the jo aam the bahut
ḳhud apne iztirar-e-tabi.at se tang the
ham jo shikar-e-gardish-e-ayyam the bahut
lipTi rahi to sar-basar asrar thi vo zulf
khulti kabhi to us ke bhi paigham the bahut
ik umr tajrabat men guzri to ye khula
yaan azmuda-kar hi nakam the bahut
Leave a Reply