Jalti Rut Mein Wo Phailta Saya Rakh Dega

jaltī rut meñ vo phailtā saaya rakh degā

merī aañkh pe dhuup kā chashma rakh degā

pyaas ko mere lab se chimaTte dekh ke vo

paañv meñ mere jhiil kā rasta rakh degā

jaane na do gul-dānoñ tak us bachche ko

toḌ ke har gamle kā ġhuncha rakh degā

jis se mujhe hai uns purānī qadroñ sā

mere nasīb meñ us kā sadma rakh degā

merī raah kī hājib kā hai us ko jo paas

mere saath safar kā tosha rakh degā

ek din us ke shahr meñ pahuñchūñgā maiñ bhī

mere zehn meñ koī zarīya rakh degā

ḳhauf hai merā dushman merī hastī meñ

ek sadī sā koī lamha rakh degā

dekh sakegā vo na hamārī ḳhushiyoñ ko

baat meñ koī fikr kā nukta rakh degā

Leave a Comment