Raees Rampuri
jaise koi rabt nahin ho jaise hon anjane log
kya se kya ho jaate hain aksar jane-pahchane log
munh se baat nikalte hi sau gaḌh lenge afsane log
baiThe-baiThe bun lete hain kaise tane-bane log
dair-o-haram hi se duniya ko hosh ki rahen milti hain
dair-o-haram ke naam pe hi ban jaate hain divane log
koi unhen bhi to samjha.e koi kuchh un se bhi kahe
jab dekho tab aa jaate hain mujh ko hi samjhane log
hazrat-e-zahid samjha den to tauba kar luun main bhi ‘ra.is’
badal kyon chha jaate hain jab jaate hain maiḳhane log
Leave a Reply