Pandit Daya Shankar Naseem Lakhnavi
zillat hai jo phaila.e bashar pesh-e-digar haath
yarab na kabhi haath ka ho dast-nigar haath
panja karen ḳhurshid se bedaron ki palken
furqat ki shab aa jaa.e jo daman-e-sahar haath
hain sahib-e-sar-panja ra.ison ko nachate
sar par jo paḌe choT to hota hai sipar haath
ji men hai kahun un se ki huun dast-girafta
vo sun ke ḳhajil hon jo kahen laao idhar haath
kya duzd-e-hina haath laga sim-baron ko
dil haath se le jaata hai chori se vo har haath
ḳhurshid ke panje se ishara hai ki aaqil
allah ki janib ko uTha vaqt-e-sahar haath
Leave a Reply