jab bhi mire aansu bahte hain aur tera daman jalta hai
dekh ke apna husn-e-taalluq har ahl-e-gulshan jalta hai
raaz na puchho mustaqbil ka sher-o-sukhan ki is mahfil ka
sahab-e-fan zulmat men pade hain duur charagh-e-fan jalta hai
fasl-e-baharan aa jaane se kam na hua gham ahl-e-chaman ka
shabnam ke aansu bahte hain gul ka pairahan jalta hai
jalne ko to sab jalte hain aag juda hai apni apni
ham jalte hain tum jalte ho ik ik ahl-e-chaman chalta hai
koi nahin gham-khvar jahan men ‘yad’ hamari tanhai ka
apne hi aansu bahte hain apna hi daman jalta hai
Leave a Reply