Daur Afridi
jahan un ko un ke isharon ko dekha
vahin dil ki sazish ke maron ko dekha
main kuchh be-tuki baten baten suna duun
taḌapte hue absharon ko dekha
sitare bhi sone lage vo na aa.e
ḳhilaf-e-tamanna saharon ko dekha
bhanvar ke fasane sunata raha huun
na sahil ko dekha na dharon ko dekha
jahan ḳhud ko dekha ḳhizan hi ḳhizan hai
jahan un ko dekha baharon ko dekha
kiya ehtijaj is zamane ne us ka
kisi dhun men jab be-qararon ko dekha
ye chhup-chhup ke yakja piyen ‘daur’-o-zahid
kisi ne bhi in shahkaron ko dekha
Leave a Reply