poet

Jahan Mein Kaun Kah Sakta Hai Tumko Bewafa Tum Ho

jahan men kaun kah sakta hai tum ko bevafa tum ho

ye thodi vaza-dari hai ki dushman-ashna tum ho

tabahi samne maujud hai gar ashna tum ho

khuda hafiz hai us kashti ka jis ke nakhuda tum ho

jafa-ju be-muravvat bevafa na-ashna tum ho

magar itni burai par bhi kitne khush-numa tum ho

bharosa ghair ko hoga tumhari ashnai ka

tum apni zid pe aa jaao to kis ke ashna tum ho

koi dil-shad hota hai koi nashad hota hai

kisi ke muddai tum ho kisi ka muddaa tum ho

‘zahir’ us ka nahin shikva na ki gar qadr gardun ne

zamana janta hai tum ko jaise khush-nava tum ho

More Poems

Leave a Comment