Shehzad Raza Lams
chandni apne saath laa.i hai
teri surat men raat aa.i hai
ḳhud men ab ḳhud ko main nahin milta
is qadar mujh men tu sama.i hai
ek din jism chhoḌ ja.egi
ruuh apni nahin para.i hai
nahr men saaf kuchh bhi dikhta nahin
aaj paani pe kitni kaa.i hai
tujh ko ḳhat bhi likhe hain ḳhuun se aur
teri tasvir bhi bana.i hai
sar khule ayaten hain rabb-e-jahan
tu kahan hai kahan ḳhuda.i hai
is zamin se ai asman vaale
ab uTha le hamen duha.i hai
Leave a Reply