Shahryar
jahan men hone ko ai dost yuun to sab hoga
tire labon pe mire lab hon aisa kab hoga
isi umiid pe kab se dhadak raha hai dil
tire huzur kisi roz ye talab hoga
makan to honge makinon se sab magar khali
yahan bhi dekhun tamasha ye ek shab hoga
koi nahin hai jo batlae mere logon ko
hava ke rukh ke badalne se kya ghazab hoga
na jaane kyuun mujhe lagta hai aisa hakim-e-shahr
jo hadisa nahin pahle hua vo ab hoga
Leave a Reply