jahan koi nahin hota hai vahan chiḳhta hai
ye mira dost mire saath kahan chiḳhta hai
chup hi rahne ki tamanna tire darvesh ko hai
varna jis shaḳhs ko milta hai ziyan chiḳhta hai
ba.az auqat jo cigarette main kuchal deta huun
adh-jale soḳhta cigarette ka dhuan chiḳhta hai
jab kabhi sher men laane ki tujhe koshish ho
lafz siskariyan bharte hain guman chiḳhta hai
apne ‘sarvat’ ki kahani se nahin vaqif tum
naam se is ke station bhi miyan chiḳhta hai
Leave a Reply