Jahan Baat Wahdat Ki Gahri Rahegi

jahan baat vahdat ki gahri rahegi

vahan fikr apni na teri rahegi

lajajat amiron se yak-dam utha de

qanaat se apni faqiri rahegi

na jiine ki khvahish na marne ka gham hai

jo halat hai apni vo thahri rahegi

mujalla hua jab se dil hai hamara

na marqad men apne andheri rahegi

ghamanD har tarah karna zeba nahin hai

javani kisi ki na piiri rahegi

khudai ki qudarat khudi se hai ‘markaz’

muqallid hain jab tak asiri rahegi

Leave a Comment