Kha Ke Sukhi Rotiyan Pani Ke Sath

kha ke sukhi rotiyan paani ke saath

ji raha tha kitni asani ke saath

yuun bhi manzar ko naya karta huun main

dekhta huun us ko hairani ke saath

ghar men ik tasvir jangal ki bhi hai

rabta rahta hai virani ke saath

aankh ki tah men koi sahra na ho

aa rahi hai ret bhi paani ke saath

zindagi ka masala kuchh aur hai

sher kah leta huun asani ke saath

Leave a Comment