Poet
jaaga nasib kaanp uThi zulmat-e-hayat
jab haath men liya hai mohabbat se tu ne haat
ghabra.ega bahut dil-e-gham-ghin tire baghair
rahne de ye ḳhulus ye chahat ye iltifat
barkha ki sanvli si sahar rang ruup men
shanon pe jhumti hui vo malve ki raat
mathe pe sub.h-e-ilm ki pau phuTti hui
ankhon men jaise khelti ho ruh-e-ka.enat
dil men ghuTi ghuTi si rahegi kahan talak
aa jaao kah duun kaan men chupke se ek baat
lau de uTha hai taar har ik tharthara ke aaj
kin ungliyon ne chheḌ diya barbat-e-hayat
Leave a Reply