Hasan Naim
jadu-e-ḳhvab men kuchh aise giraftar hue
barish-e-sang hui bhi to na bedar hue
jab the ḳhush-hal bhale lagte the rishte gham ke
ab vahi rishte miri jaan ka azar hue
jab talak paanv men vahshat thi junun men taqat
na kisi saa.e men baiThe na kabhi ḳhaar hue
main ne jab gulf men kuchh daulat-o-izzat paa.i
alam-e-fan bhi mire haq men razakar hue
jab khule naqd ke ausaf ba-faiz-e-naqdi
kuchh risalon ke editor bhi taraf-dar hue
vasl se jin ke hai maghrib men qayamat si bapa
un hi lounDon ke liye ‘mir’-ji bimar hue
goliyan chalne ko tayyar thiin pahle se ‘na.im’
ham to bas jhanDa uThane ke gunahgar hue
Leave a Reply