Poet
hamen ahl-e-zamana DhunDte hain
koi taaza nishana DhunDte hain
abhi tak ham koi unvan-e-taza
sar-e-shahr-e-fasana DhunDte hain
hamari hi tarah uTh kar savere
parinde ab-o-dana DhunDte hain
zamin ab ho ga.i maskan purana
naya koi Thikana DhunDte hain
charagh-e-ḳhun-e-dil ham to jala kar
mazamin ka ḳhazana DhunDte hain
musalman ho ke bhi ham gul-ruḳhon men
ada.en kafirana DhunDte hain
abhi kuchh log aise hain jo ‘shahid’
vahi pahla zamana DhunDte hain
Leave a Reply