jab zamin ke muqaddar sanvar ja.enge
asman se farishte utar a.enge
kaise phailenge vo log ufuq-ta-ufuq
apne andar simaT kar jo rah ja.enge
chandni mauj-dar-mauj lahra.egi
aks taron ke paani se tharraenge
barish-e-sang karte chale jaa.en vo
ham lahu ro ke bhi phuul barsa.enge
kanch ka jism le kar kisi shahr men
vo agar ja.enge bikhar ja.enge
jin men tanvir-e-ehsas jaagi na ho
zehn aise khanDar hi to kahla.enge
ret uḌegi jo sahra-e-iḳhlas men
aur kya apni muTThi men ham la.enge
Leave a Reply