tanha.i men aaj un se mulaqat hui hai
jis baat ki ḳhvahish thi vahi baat hui hai
ankhon se gire ashk TapaTap to vo bole
badal ke baghair aaj ye barsat hui hai
samjha huun usi din hi se main ziist ka mafhum
jis din se miri tum se mulaqat hui hai
ḳhvabon men mulaqaten to hoti rahin aksar
ba-nafs-e-nafis aaj mulaqat hui hai
maqsad tha mile gham se najat is liye ai ‘charḳh’
ik umr miri vaqf-e-ḳhirajat hui hai
Leave a Reply