aftab-shah-alam-sani

Jab Wo Nazren Do-Chaar Hoti Hain

jab vo nazren do-char hoti hain

tiir si dil ke paar hoti hain

ranjishen meri aur us gul ki

raat din men hazar hoti hain

ishq men be-hijabiyan dil ko

kya hi be-ikhtiyar hoti hain

tu jo jaata hai baagh men ai gul

bulbulen sab nisar hoti hain

qumriyan bandagi men tujh qad ki

sar-ba-sar tauq-e-dar hoti hain

‘aftab’ us ke vasl ki baten

bais-e-iztirar hoti hain

More Poems

Leave a Comment