Jab Uski Taswir Banaya Karta Tha

jab us kī tasvīr banāyā kartā thā

kamrā rañgoñ se bhar jaayā kartā thā

peḌ mujhe hasrat se dekhā karte the

maiñ jañgal meñ paanī laayā kartā thā

thak jaatā thā bādal saaya karte karte

aur phir maiñ bādal pe saaya kartā thā

baiThā rahtā thā sāhil pe saarā din

dariyā mujh se jaan chhuḌāyā kartā thā

bint-e-sahrā rūThā kartī thī mujh se

maiñ sahrā se ret churāyā kartā thā

Leave a Comment