jab tumhari taraf se ishare hue
ham tumhare hue tum hamare hue
bevafa.i ka ilzam mujh ko na do
be-jhijhak kah bhi do tum kinare hue
phir mohabbat ko aisi nazar lag ga.i
ashk miThe the jo khare khare hue
phike phike hue jab qarib aa.e to
chand taare zamin par utare hue
dekhna kya hua us ka muḌ kar mujhe
meri palkon pe aansu sitare hue
mil ga.i jab tiri chhanv men kuchh jagah
yuun laga ab mire vare-nyare hue
Leave a Reply