Jab Talak Charb Na Jun Sham-E-Zaban Kijiyega

jab talak charb na juun sham-e-zaban kijiyega

sarguzisht apni ka kya khaak bayan kijiyega

barq saan hans ke jo va aap dahan kijiyega

maani-e-makhzan-e-asrar ayaan kijiyega

dil ko jab mail-e-chashman-e-butan kijiyega

turfat-ul-ain men sair-e-do-jahan kijiyega

dil-e-sad-para mira shisha-e-ba-shikasta hai

is ko pamal zara dekh ke haan kijiyega

dil-e-pur-abla laaya huun dikhane tum ko

band ai shisha-garo! apni dukan kijiyega

kyuun lagate ho mire sina-e-sad-chak ko haath

chashm-e-sozan se nazar bakhiya-garan kijiyega

tum ko apna dil-e-pur-dagh dikhate jo kabhi

sair-e-gulshan na phir ai lala-rukhan kijiyega

haath se mohtasib-e-dahr ke ik din barpa

sar pe shishe ke kharabi na yahan kijiyega

aabru madd-e-nazar ham ko hai teri yaan tak

ashk ko rokiyega zabt-e-fughan kijiyega

kyunki nargis tiri ankhon se kare ham-chashmi

jab tak us ka na ilaj-e-yaraqan kijiyega

ru-kashi dekh na kar gosha-nashinon se falak

har tarah se tiri khatir pae-shan kijiyega

navak-e-ah lagaenge piyape tujh par

qadd-e-kham-gashta ko jab apne kaman kijiyega

abr-e-naisan ki bhi jhad jaegi pal men shekhi

dida-e-tar ko agar ashk-fishan kijiyega

dil men kuchh ye na samajhna ki hamara hai daur

jamadari men shak ai bada-kashan kijiyega

dil men rakhte ho khayal us ki kamar ka jo ‘nasir’

la-makan men kahin kya ja ke makan kijiyega

Leave a Comment