Achanak Aise Jal-Thal Ho Gae Kyun

achānak aise jal-thal ho ga.e kyuuñ

ki sahrā saare jañgal ho ga.e kyuuñ

qadam is tarah se shal ho ga.e kyuuñ

sahāre itne bojhal ho ga.e kyuuñ

nahīñ taḳhfīf in meñ ik zarā sī

ye ġham itne musalsal ho ga.e kyuuñ

tirī qurbat ke vo saare zamāne

simaT kar ek hī pal ho ga.e kyuuñ

unheñ itne dinoñ ke baa’d dekhā

ḳhushī meñ phir ye be-kal ho ga.e kyuuñ

Leave a Comment