mujh mohabbat ke saza-var pe tohmat na laga
mujh ko jhuTla de magar pyaar pe tohmat na laga
sust-rau shaḳhs mira naqsh-e-qadam dhyan men rakh
mujh se aa mil miri raftar pe tohmat na laga
log bakte hain to bakte rahen be-shak lekin
kam se kam tu mire kirdar pe tohmat na laga
main ne chhini nahin izzat se kama.i hai ye
meri izzat miri dastar pe tohmat na laga
dekh ik haath se bajti nahin taali ‘abdul’
dar muqaffal hai to divar pe tohmat na laga
Leave a Reply