jab tak ki tabi.at se tabi.at nahin milti
hon pyaar ki baten bhi to lazzat nahin milti
aram ghaḌi-bhar kisi karvaT nahin milta
rahat kisi pahlu shab-e-furqat nahin milti
jab tak vo khinche baiThe hain dil un se ruka hai
jab tak nahin milte vo tabi.at nahin milti
jiite hain to hoti hai un ankhon se nadamat
marte hain to us lab se ijazat nahin milti
us zohd par nazan na ho zahid se ye kah do
tasbih phirane hi se jannat nahin milti
kya DhunDhte hain gor-e-ghariban men vo aa kar
kis Kushta-e-raftar ki turbat nahin milti
kis tarah mire ghar vo ‘hafiz’ aa.en ki un ko
ghairon ki mudarat se fursat nahin milti
Leave a Reply