husn is sham.a-ru ka hai gul-rang
kyuun na bulbul jale misal-e-patang
ḳhatt-e-shab-rang us pari-ru ka
dekh aaya hai aarsi par zang
us ke nazuk badan men hue nihan
pahne gar vo sanam qaba-e-tang
dekh majnun ne bas kaha mujh kuun
is qadar marte hain tiflan sang
saqiya jaam mai suun kar sarshar
mujh kuun darkar niin hai nam-o-nang
ghair gardish ke pahunchta nahin rizq
shahid us par hai asiya ka sang
yak qadam rah-e-dost hai ‘da.ud’
lekin afsos pa-e-baḳht hai lang
Leave a Reply