Pandit Daya Shankar Naseem Lakhnavi
jab se teri aankh ham se phir ga.i
halqa-e-gham men tabi.at ghir ga.i
fauj-e-mizhgan men mere ḳhuun ke liye
chashm ki gardish se kauḌi phir ga.i
mohtasib ki aankh par jab se chaḌhi
duḳht-e-raz shishe ke dil se gir ga.i
na-tavanon ke liye tufan kya
qatra-e-shabnam men juuhi tar ga.i
saqiya koi bala tha mohtasib
ḳhairiyat guzri jo ḳhum ke sir ga.i
murda mera dekh kar bola vo shoḳh
kyon ‘nasim’ ab aankh teri phir ga.i
Leave a Reply