Fuzail Jafri
kaisa makan saya-e-divar bhi nahin
jiite hain zindagi se magar pyaar bhi nahin
uThti nahin hai ham pe koi mehrban nigah
kahne ko shahr mahfil-e-aghyar bhi nahin
ruk ruk ke chal rahe hain ki manzil nahin koi
har kucha varna kucha-e-dildar bhi nahin
guzri hai yuun to dasht men tanha.iyon ke umr
dil be-niyaz-e-kucha-o-bazar bhi nahin
aage baḌha.iye to qadam aap ‘ja.afari’
duniya ab aisi vadi-e-pur-ḳhar bhi nahin
Leave a Reply