Koi Shikwa To Zer-E-Lab Hoga

koi shikva to zer-e-lab hoga

kuchh khamoshi ka bhi sabab hoga

main bhi huun bazm men raqib bhi hai

akhiri faisla to ab hoga

aaen mai-khane men kabhi vaaiz

huur bhi hogi aur sab hoga

bol ai mere dil ki tariki

tera suraj tulua kab hoga

sunta hoga sadaen us dil ki

sham-e-tanhai men vo jab hoga

kab chhatengi ye badliyan gham ki

saaf matla ye ‘josh’ kab hoga

Leave a Comment