Kya Ye Fareb-E-Gardish-E-Shams-O-Qamar Nahin

kyā ye fareb-e-gardish-e-shams-o-qamar nahīñ

ab shab bhī shab nahīñ hai sahar bhī sahar nahīñ

ā.īna kah rahā hai ki tanhā nahīñ huuñ maiñ

hairat kī baat ye ki koī ham-safar nahīñ

kahte haiñ dīda-var ki bayābāñ kaho use

vo gulsitāñ ki jis meñ koī dīda-var nahīñ

sūrat jo dekhiye to har ik mīr-e-kārvāñ

manzil se pūchhiye to koī rāhbar nahīñ

‘nashtar’ liye jo phirtī hai sahrā-o-dasht meñ

hai aur kyā jo hasrat-e-dīvār-o-dar nahīñ

Leave a Comment