Muneer Saifi
jab se main ḳhud-shanas ho gaya huun
ḳhamushi ka nivas ho gaya huun
gham se yuun ru-shanas ho gaya huun
bevgi ka libas ho gaya huun
dosto tum uchhal do hava men
main ki ḳhali gilas ho gaya huun
kitne savan baras chuke mujh par
jalte sahra ki pyaas ho gaya huun
tu mile to main sabz ho ja.un
hijr men zard ghaas ho gaya huun
maut ki ḳhushbu aa rahi hai ‘munir’
main ki bimar ki saans ho gaya huun
Leave a Reply