dagh-dehlvi

Jab Wo But Ham-Kalam Hota Hai

jab vo but ham-kalam hota hai

dil o diin ka payam hota hai

un se hota hai samna jis din

duur hi se salam hota hai

dil ko rokun ki chashm-e-giryan ko

ek hi khuub kaam hota hai

aap hain aur majma-e-aghyar

roz darbar-e-am hota hai

ziist se tang hain na chhed hamen

dekh ghussa haram hota hai

liije muusa se lan-tarani ki

ab to ham se kalam hota hai

‘dagh’ ka naam sun ke vo bole

aadmi ka ye naam hota hai

More Poems

Leave a Comment