Jab Sahar Chup Ho Hansa Lo Hum Ko

jab sahar chup ho hansa lo ham ko

jab andhera ho jala lo ham ko

ham haqiqat hain nazar aate hain

dastanon men chhupa lo ham ko

khuun ka kaam ravan rahna hai

jis jagah chaho baha lo ham ko

din na pa jaae kahin shab ka raaz

subh se pahle utha lo ham ko

ham zamane ke satae hain bahut

apne siine se laga lo ham ko

vaqt ke hont hamen chhu lenge

an-kahe bol hain ga lo ham ko

Leave a Comment