Siya Sachdev
jab meri kahani men vo kirdar nahin ab
ja maan liya pahle sa me.aar nahin ab
le tere hi kahne pe tujhe chhoḌ diya hai
kyon aur kahan kaise ki takrar nahin ab
kuchh shauq na hasrat na tamanna na guzarish
duniya se mira koi sarokar nahin ab
vahshat bhi tabi.at men hai aur josh-e-junun bhi
Takrane ko sar samne divar nahin ab
ab zabt nahin baaqi hai dil bhar chuka mera
ye ta.ane ye bigḌi hui guftar nahin ab
ab koi bhi da.ava nahin kar sakta hai mujh par
duniya men koi bhi mera haqdar nahin ab
is dil ko ‘siya’ rog lagana nahin achchha
bas aur udasi bhare ash.ar nahin ab
Leave a Reply