Kunwar Bechain
jab mere ghar ke paas kahin bhi nagar na tha
to is tarah ka raah men luTne ka Dar na tha
jangal men jangalon ki tarah ka safar na tha
surat men aadmi ki koi janvar na tha
aansu sa gir ke aankh se main sochta raha
itna to apne-ap se main be-ḳhabar na tha
ik baar ḳhud ko ghaur se dekha to ye mila
main sirf ek dhaḌ tha mire dhaḌ pe sar na tha
honTon pe aa.i aur ‘kunvar’ kanpti rahi
ik baat jis ka dil pe koi bhi asar na tha
Leave a Reply