Dupatta Wo Gulnar Dikhla Gae

dupatta vo gulnar dikhla gae

nae sur se phir aag bhadka gae

tumhari zidon se ham ukta gae

kisi rose sun lena kuchh kha gae

hamari fughan se na maano bura

kahan tak karen zabt ghabra gae

qafas se chhute kin dinon ya-nasib

ki patte bhi phulon ke murjha gae

gae mere dushman ke phulon men vo

mujhe gham ke kanton men uljha gae

hamare gul-andam ka hai ye rang

zara dhuup men nikle sanvla gae

ye sar chot furqat ke sadme rahi

bahut kasa-e-sar men baal aa gae

lahad men gire jab hua sar safed

padi dhuup aisi ki teyora gae

na pahunchi chaman tak khizan aa gai

dilon ke kanval khil ke kumhla gae

kisi ki vo zulfen jo yaad aa gaiin

mire siine par saanp lahra gae

falak abr ki tarah phat jaega

mire naale jis rose takra gae

har ik baat ki tah samajhne lage

bahut duur ho ham tumhen pa gae

hua dhuup men bhi na kam husn-e-yar

kanhayya bane vo jo sanvla gae

na joban ubharne diya naaz ne

dupatta jo sarka to sharma gae

miyan-‘bahr’ kyuun chupke chupke ho aaj

jo mehman aae the vo kya gae

Leave a Comment