main tire lutf-o-karam ka jab se ras piine laga
bas tabhi se khul ke apni zindagi jiine laga
ai bulandi chahne vaale bhaTak mat aa udhar
mere shanon ke sahare arsh tak ziine laga
ho ḳhushi koi bhi ja kar paḌ gai tere gale
gham ho koi bhi vo aa kar bas mire siine laga
huuk kitni soz kitna Tiis kitni dil men hai
ai mata-e-zaḳhm tu ab yuun na taḳhmine laga
jhuriyan chehre ki ‘aḳhtar’ ye dikhaenge tujhe
umr jab dhalne lage ghar men na aine laga