jab kaha tiir tiri aankh ne akasr maara
chitvanen pher ke bole ki barabar maara
qadr kuchh bhi mire dil ki but-e-kafir ne na ki
zulf-e-pechan se jo uljha to mire sar maara
jaan be-maut ḳhuda bhi nahin leta lekin
tu ne be-maut hi logon ko sitamgar maara
chand zarre meri miTTi ke faqat haath aa.e
dasht-e-ghurbat ke bagulon ne jo chakkar maara
ik musalman ka dil toḌ diya kya kahna
apne nazdik baḌa aap ne kafar maara
‘muztar’ aisa koi ab tak na ho aur na ho
maut ne haa.e abas dagh-e-suḳhnavar maara
Leave a Reply