Amit Sharma Meet
jab jazba ik baar jigar men aata hai
phir sab apne aap hunar men aata hai
sab ki zad men ik mera hi ghar hai kya
roz naya ik patthar ghar men aata hai
kal mere saa.e men us ki shakl dikhi
manzar aise pas-manzar men aata hai
main tanha aata huun mahfil men yaron
baaqi har insan lashkar men aata hai
lahja us ka har janib hai musallat yuun
vo banda har baar ḳhabar men aata hai
dahshat us lamhe ki dil men itni hai
aksar hi vo lamha Dar men aata hai
‘mit’ sabhi ka saath yahan par deta hai
jo koi bhi beach safar men aata hai
Leave a Reply