Jab Jab Bhi dekhiye Use Khun-Bar Si Lage

jab jab bhi dekhiye use khun-bar si lage

duniya hamesha barsar-e-paikar si lage

har har nafas pe rang badalti hai zindagi

ik phuul si lage hai kabhi khaar si lage

chehra hai mere dost ka ya koi aaina

dekhun ulat-palat ke to bhi aarsi lage

aadat si pad gai hai use bolne ki tez

vo baat bhi kare hai to takrar si lage

tum saath ho to ham bhi bayaban ko ghar karen

ye sakht dhuup saya-e-divar si lage

har har qadam pe jaise ki bikta ho aadmi

basti tamam misr ke bazar si lage

‘abid’ tamam shahr pe aalam hai kaun sa

har ek shakl naqsh-ba-divar si lage